留意到之前有 posts 話變頻冷氣有味問題，近日房其中一部冷氣有種酸味發出（用左大約 3 個月左右，裝修後亦洗過冷氣)，試左幾個 mode，用 auto/fan 有味，用 dry 就冇味，都跟過網上一 D 方法試例如同步開窗之類，都解決唔到，之後 call 左大金師傅黎。咁部機 check 過就冇問題，我就請教師傅，話網上話你地既變頻機好有問題，而我呢部新機點解咁快有味，如何解決。首先，佢話對於 「呢個味」，佢話洗冷氣係冇用的，就算有客試過洗完可能 2 個星期又會發生，因為源頭係個 tray 漬水或者出面條喉斜水唔夠又或者條喉太長漬左水/ 乾左既漬水回味，有 D 人冇事既原因係因為條喉短可直走就冇漬水呢個問題，佢話裝廳亦都會少 D 出現，但房因為困住冇咁開陽，同埋有布料類多既塵，所以機會率高 D。至於解決方法，好簡單，自己做都 ok，好似我地 D 地漏去水咁。
- 定期 spray 下消毒（對呼吸無害果 D)，滴露就要溝水 (1:99)，我就用左 Germ Killer 因為個味唔攻比較舒服，另外，「空氣清新劑」 係唔用得！同埋師傅提醒，「唔需要」 spray 好多，太多反而唔好，輕輕 spray 下就 ok，附上 video 佢教我點做。因為如去水一樣，spray 左佢會跟 tray 流出，當清下條去水，就唔會有味。之後開 18-22 度冷氣用 cool mode 唔好用其他 mode 吹 30 mins。我已做左，的確冇左個味。
- 另外，變頻機佢話同平日既機個用法不同，如果我地成日開 25 度果 D 會令入面太乾，冇乜水到就有回味問題。建議最高 22 度，更凍會更好，咁會保持入面有水（可流走），就唔會有味既問題。我亦問左 3M D 冷氣 filter 有冇用，佢話幾好。但 cover 既方法係，只 cover 入風位，唔駛全塊。咁部機會保養得更乾淨，可以隔耐 D 先叫人黎大洗冷氣。
- 我問佢，係咪都係傳統冷氣比較好，佢話識用就變頻點都係節約電源 D，話政府都想用少 D 電。同都係將來個 trend。只係我地用家要改變下個用法，直接用 cool mode （起碼開 22度唔好開到太暖）。所以你地自行決定揀咩機。
- 另外，有暖氣 function 的，就到時冬天自己定期洗 filter 時順便 spray 下個 tray，因為冬天長期乾既狀態。
Germ Killer: http://www.germkiller-hk.com/gksurface.html
來自來自Facebook專頁 <家居裝修分享谷> 來自Stephanie Chan
